24 დეკემბერს,თბილისის საერთაშორისო სკოლაში ჩატარდა შიდა სასკოლო კონფერენცია მათემატიკაში, რომელიც ორგანიზებული იყო მათემატიკის კათედრის მიერ.
კონფერენციაში მონაწილეობა მიიღეს VIII, X და XII კლასის მოსწავლეებმა. ღონისძიების მთავარი მიზანი იყო მოსწავლეებში მათემატიკური კვლევითი უნარების განვითარება, ლოგიკური და კრიტიკული აზროვნების გაძლიერება და საერთაშორისო აკადემიურ სტანდარტებთან შესაბამისი მუშაობის წახალისება.
კონფერენცაზე მოსწავლეებმა წარმოადგინეს ნაშრომები სხვადასხვა მათემატიკურ თემაზე, კვლევები და პრაქტიკული ნამუშევრები, რითაც კიდევ ერთხელ გამოჩნდა მათემატიკური აზროვნებისა და ანალიტიკური უნარების მაღალი დონე. ნაშრომები ეფუძნებოდა ანალიტიკურ მსჯელობას, პრობლემების დამოუკიდებლად გადაწყვეტასა და კვლევით მიდგომებს. წარმოდგენილი თემები გამოირჩეოდა სიღრმისეული ანალიზით, მსჯელობით და აკადემიური სტანდარტების დაცვით.
მნიშვნელოვანია აღინიშნოს, რომ თბილისის საერთაშორისო სკოლა აქტიურად მონაწილეობს საერთაშორისო მათემატიკურ კონფერენციებში, ხოლო მსგავსი შიდა აკადემიური ღონისძიებები მნიშვნელოვან საფუძველს ქმნის მოსწავლეთა მომზადებისთვის, კონკურენტული უნარების გაძლიერებისა და საერთაშორისო წარმატებების მისაღწევად.
